Ներկայացնում ենք 2024 թվականի ընթացքում Ինֆորմացիայի ազատության կենտրոնի իրականացրած աշխատանքները, գործունեության արդյունքները:
- Ավելի քան 50 պետական կառավարման և տեղական ինքնակառավարման մարմնի շուրջ 75 ներկայացուցչի համար կազմակերպել ենք աշխատաժողովների և վերապատրաստումների շարք՝ բարելավելու մասնակիցների գիտելիքը և մասնագիտական կարողությունները տեղեկատվության ազատության օրենսդրության վերաբերյալ:
- 22 պետական կառավարման մարմնի տրամադրել ենք խորհրդատվություն՝ ինչպես կիրառել տեղեկատվության ազատության օրենսդրությունը, անձնական տվյալների մշակման կանոնները և ինչպես բարելավել հանրային հաղորդակցությունը։
- Իրականացրել ենք պետական մարմինների հաղորդակցության առցանց հարթակների (պաշտոնական կայքեր, հանրային ծառայությունների պորտալներ, բջջային հավելվածներ, սոցիալական մեդիաներում պաշտոնական և անձնական հաշիվներ և էջեր) քարտեզագրում և մշակել համալիր տեղեկատվական շտեմարան։
- ԻԱԿ մշակած Տեղեկատվության ազատության ինքնագնահատման համակարգը ներդրվել է Վարչապետի աշխատակազմում, Աշխատանքի և սոցիալական հարցերի և Էկոնոմիկայի նախարարություններում՝ որպես Բաց կառավարման գործընկերության Գործողությունների ծրագրի հանձնառության իրականացում:
- ԻԱԿ մշակած ՏԱ վիճակագրության ձևանմուշը ներդրվել է պետական կառավարման մարմիններում՝ ապահովելով ՏԱ ոլորտում միասնական վիճակագրական տվյալների ձևավորումը։
- Ուժի մեջ է մտել ԻԱԿ-ի նախաձեռնությամբ մշակված ՀՀ ապատեղեկատվության դեմ պայքարի 2024-2026 թթ․ հայեցակարգը և դրանից բխող գործողությունների ծրագիրը։
- Իրականացրել ենք Բարձրագույն դատական խորհրդի հաղորդակցության կարիքների գնահատում, մշակել ենք ԲԴԽ-ի հաղորդակցութան ռազմավարությունը և գործողությունների ծրագիրը։
- Տեղեկություն ստանալու 250 հարցում է ուղարկվել։ Դրանց միջոցով հավաքագրված տվյալներն օգտագործվել են շահերի պաշտպանության, իրավական աջակցության և հետազոտական նպատակներով։
ԼՐԱԳՐՈՂՆԵՐ
- 100 լրագրողի խորհրդատվություն և իրավական աջակցություն ենք տրամադրել տեղեկություն ստանալու գործընթացում։
- Շուրջ 50 լրագրողի համար անցկացրել ենք տեղեկատվության ազատության թեմայով վերապատրաստման դասընթացներ և աշխատանքային քննարկումներ;
- Արցախի 20 լրագրողի համար կազմակերպել ենք մասնագիտական կարողությունների զարգացման վերապատրաստման դասընթացներ:
- Արցախի և արցախցիների խնդիրների վերաբերյալ արցախցի լրագրողները 10 մուլտիմեդիա հոդված են պատրաստել ԻԱԿ փորձագետների մենթորությամբ:
ԳՈՐԾԱՐԱՐՆԵՐ ԵՎ ՓԱՍՏԱԲԱՆՆԵՐ
- Բիզնես համայնքի 30 ներկայացուցչի համար կազմակերպել ենք «Տեղեկատվական միջավայրի բարեվարքություն․ բիզնեսի հետ, բիզնեսի համար» խորագրով աշխատաժողով։
- 20 ապագա փաստաբանի համար անցկացրել ենք հաղորդակցության հմտությունների զարգացման դասընթաց։
ՀԵՏԱԶՈՏՈՒԹՅՈՒՆՆԵՐ ԵՎ ՈՒՂԵՑՈՒՅՑՆԵՐ
- Իրականացրել ենք «Լրագրողների տեղեկություն ստանալու իրավունքը Հայաստանում-2024» հետազոտությունը՝ ամփոփելով տեղեկատվության ազատության պրակտիկան։
- Մշակել ենք էլեկտրոնային հարցումների միասնական հարթակի՝ e-request.am–ի օգտագործման ուղեցույց։
- Իրականացրել ենք «Տեղեկատվության ազատության անկախ լիազոր մարմնի ներդրումը Հայաստանում» հետազոտությունը՝ վերհանելով դրա ձևավորման անհրաժեշտությունը Հայաստանի ստանձնած միջազգային հանձնառությունների համատեքստում։
- Հաղթանակ ենք գրանցել դատարանում. «Քաղաքացիական պայմանագիր» կուսակցությունը հաշտություն է խնդրել և ԻԱԿ-ին տրամադրել է անհրաժեշտ տեղեկությունները:
ԱՆԴԱՄԱԿՑՈՒԹՅՈՒՆ, ԵԼՈՒՅԹՆԵՐ
- Դարձել ենք ԶԼՄ-ների զարգացման գլոբալ ֆորումի (GFMD) լրագրության աջակցության և մեդիայի զարգացման կազմակերպությունների համայնքի անդամ։
- «Բռնաճնշումներ՝ առանց սահմանների. լրագրողների դեմ ուղղված անդրազգային սպառնալիքները» խորագրով միջազգային միջոցառմանը ներկայացրել ենք լրագրողների դեմ ուղղված անդրազգային սպառնալիքների կանխման հնարավոր լուծումները։
- Օրհուսի կոնվենցիայի Տեղեկատվության հասանելիության աշխատանքային խմբի 9-րդ հանդիպմանը՝ Ժնևում ներկայացրել ենք Հայաստանի բնապահպանական տվյալներ ներկայացնող պաշտոնական էլեկտրոնային հարթակների հնարավորություններն ու խնդիրները։
- ԲԿԳ Տեղական համաժողովին ներկայացրել ենք ԻԱԿ փորձառությունը և մոտեցումները ԲԿԳ գործընթացներում քաղհասարակության և քաղաքացիների ներգրավման կարևորության վերաբերյալ:
