Այս ռազմավարությունը պատրաստել և իրականացնում է Ինֆորմացիայի ազատության կենտրոնը (ԻԱԿ):

Նպատակը.

ՏԱ ռազմավարությունն ուղղված է ապահովելու.

• Կառավարման թափանցիկություն,
• Կոռուպցիայի նվազեցում և վերացում,
• Քաղաքացիական հասարակության մասնակցություն,
• Շրջակա միջավայրին վերաբերող տեղեկատվության մատչելիության և թափանցիկության բարձրացում․
  .

Հիմնական խնդիրներն են.

• հանրային կրթություն և իրազեկում,
• քաղաքացիական հասարակության խմբերի և պետական մարմինների ներկայացուցիչների վերապատրաստում,
• պետական և հանրային մարմիններում տեղեկատվության տրամադրման արդյունավետ մեխանիզմների մշակում,
• տեղեկատվության ազատության և տվյալների պաշտպանության օմբուդսմենի (հանձնակատարի) ինստիտուտի ստեղծում,
• տեղեկություն ստանալու իրավունքի պաշտպանություն,
• տարածաշրջանային և միջազգային լավագույն փորձի ներմուծում Հայաստան,
• էլեկտրոնային կառավարման զարգացում Հայաստանում,
• Բաց կառավարման գործընկերության (ԲԿԳ) նպատակների խթանում Հայաստանում,
• շրջակա միջավայրի վերաբերյալ տվյալների բաց և մատչելի հրապարակման խթանում,
• բնապահպանական որոշումների կայացման գործընթացներում հանրային իրազեկման և մասնակցության մեխանիզմների զարգացում, Օրհուսի կոնվենցիայի սկզբունքների արդյունավետ կիրառման աջակցություն Հայաստանում։

Գործողությունների հիմնական ուղղություններն են.

• վերապատրաստման և կարիքների զարգացման դասընթացներ,
• իրավաբանական խորհրդատվություն և ռազմավարական դատավարություն,
• օրենսդրական բարեփոխումներ,
• կենտրոնական և տեղական կառավարման մարմինների կողմից տեղեկությունների ակտիվ հրապարակման մեխանիզմների կատարելագործում,
• էլեկտրոնային կառավարման բարեփոխումներ,
• ՏԱ օրենսդրության կատարման մոնիտորինգ,
• աջակցություն Հայաստանում Բաց կառավարման գործընկերության գլոբալ նախաձեռնության նպատակների արդյունավետ ներդրմանը,
• հանրային քարոզարշավ: