Մեր մասին

Մեր մասին

ՈՒՇԱԴՐՈՒԹՅԱՆ ԿԵՆՏՐՈՆՈՒՄ

Ինֆորմացիայի ազատության ավելի քան երկու տարիների ջանքերի և գործընկերների հետ ակտիվ համագործակցության շնորհիվ 2023 թվականի դեկտեմբերին ընդունվել են ՀՀ ապատեղեկատվության դեմ պայքարի 2024-2026 թթ. հայեցակարգն ու դրանից բխող գործողությունների ծրագիրը։ Փաստաթղթերը մշակել է Ինֆորմացիայի ազատության կենտրոնը։
Վերաքննիչ դատարանն ամբողջությամբ բավարարել է ԻԱԿ-ի ռազմավարական նշանակության հայցն ընդդեմ 7 քաղաքապետարանի՝ պարտավորեցնելով պաշտոնական ինտերնետային կայքերում հրապարակել:
ՀՀ վարչական դատարանը 2022 թվականի հունիսի 9-ին բավարարել է Ինֆորմացիայի ազատության կենտրոնի հայցն ընդդեմ Երևանի քաղաքապետարանի տեղեկատվության ազատության իրավունքը խախտելու համար։

ԻԱԿ-ը Facebook-ում

ԻԱԿ-ը Youtube-ում

Հաջողության պատմություն 41․ Դատական գործի արդյունքում ԻԱԿ-ը ստացել է պահանջվող տեղեկությունները

2023 թ. հունարին «Քաղաքացիական պայմանագիր» կուսակցությունը, ԻԱԿ-ի՝ դատարան դիմելուց հետո, խնդրել է կնքել հաշտության համաձայնագիր և տրամադրել նախընտրական դրամահավաքի վերաբերյալ պահանջվող տեղեկությունները:

ԻԱԿ-ը 2023 թվականի օգոստոսի 23-ին տեղեկություն ստանալու հարցում էր ուղարկել «Քաղաքացիական պայմանագիր» կուսակցություն՝ խնդրելով տեղեկություններ Երևանի ավագանու ընտրություններին ընդառաջ տեղի ունեցած՝ կուսակցության դրամահավաք-երեկոյի ընթացքում գումար հանգանակած նվիրատուների ցանկը, ինչպես նաև նույն դրամահավաք-երեկոյի ընթացքում կուսակցությանը հանգանակած և «Կուսակցությունների մասին» սահմանադրական օրենքի 24-րդ հոդվածի 2-րդ մասով սահմանված սահմանաչափը գերազանցող նվիրատվությունների գումարի վերադարձման մասին տեղեկություններ:

ԻԱԿ-ի հարցման առիթ էր դարձել «Ինֆորմացիոն կոմիտե» տեղեկատվական հասարակական կազմակերպության «infocom.am» լրատվական կայքի դիմումը։ Ինֆոքոմի լրագրողը, չստանալով կուսակցությունից պատշաճ պատասխան, դիմել էր Ինֆորմացիայի ազատության կենտրոն՝ խնդրելով աջակցել տեղեկություն ստանալու հարցում։

Կուսակցությունը չէր պատասխանել ԻԱԿ-ի ներկայացրած առաջին հարցմանը։ Անպատասխան էր թողել նաև 2023 թ․-ի սեպտեմբերի 11-ին ուղարկված տեղեկություն ստանալու կրկնակի հարցումը՝ խախտելով ԻԱԿ-ի՝ տեղեկություն ստանալու իրավունքը։

Ինֆորմացիայի ազատության կենտրոնը 2023 թ․ դեկտեմբերի 4-ին տեղեկություն տրամադրելու պարտավորեցման հայցով դիմել էր դատարան (դատական գործ N: ԵԴ2/41477/02/23)։ 2023 թվականի հունվարի 8-ին «Քաղաքացիական պայմանագիր» կուսակցության առաջարկով կողմերի միջև կնքվել է հաշտության համաձայնագիր, որի համաձայն կուսակցությունը պարտավորվել է տրամադրել հայցադիմումով պահանջվող տեղեկությունը և փոխհատուցել ԻԱԿ-ի կողմից «Պետական տուրքի մասին» ՀՀ օրենքով սահմանված չափով վճարված պետական տուրքը։

«Քաղաքացիական պայմանագիր» կուսակցությունը 2023 թվականի հունվարի 12-ին ԻԱԿ-ին է փոխանցել պահանջվող տեղեկությունը։ Հարցման պատասխանին կարելի է ծանոթանալ այստեղ։

 

Դատարանը, քննարկելով կողմերի միջև կնքված հաշտության համաձայանությունը և գնահատելով գործում եղած բոլոր ապացույցները՝ վճռել է հաստատել կողմերի միջև կնքված հաշտության համաձայնությունը, դատական ծախսերի հարցը համարել լուծված, իսկ գործի վարույթը կարճել՝ կողմերի միջև կնքված հաշտության համաձայնությունը հաստատելու հիմքով։

Դատարանի վճիռը հրապարակվել է 2024 թվականի hունվարի 16-ին։

 ԻԱԿ-ի հայցադիմումը

  Դատարանի վճիռը

 

0 Comments
Inline Feedbacks
View all comments
Skip to content