Հարություն Ծատրյանը մեդիայի և հաղորդակցության ոլորտում տարիների փորձ ունեցող հետազոտող է, փաստերի ստուգման մասնագետ, որն աշխատում է հայաստանյան և միջազգային կառույցների հետ։ Նախկինում ստացել է բակալավրի և մագիստրոսի կոչում լրագրության և քաղաքագիտության ոլորտում։ Ներկայումս Հ. Ծատրյանն ունի հաղորդակցության և մեդիայի ոլորտում գիտությունների թեկնածուի գիտական աստիճան:
Հարություն Ծատրյանը Փոյնթեր ինստիտուտի Միջազգային փաստերի ստուգման ցանցի (IFCN) և Եվրոպական փաստերի ստուգման ստանդարտների ցանցի (EFCSN) գնահատող է: Հ. Ծատրյանը Եվրոպական երիտասարդական մամուլի խորհրդատվական խորհրդի անդամ է, որը մեդիաբովանդակություն արտադրողների և երիտասարդական կազմակերպությունների ցանց է Եվրոպայում և ԵՄ սահմաններից դուրս: 2021 թվականի հոկտեմբերից նա դասախոսություններ է կարդում «Նորությունների և փաստերի ստուգում» թեմայով Ուեյնի նահանգային համալսարանում։
Հ. Ծատրյանը ԻԱԿ-ին միացել է 2020 թվականից և իրականացրել է հետազոտություններ և մասնագիտական կարողությունների զարգացման, վերապատրաստման դասընթացներ տարբեր թեմաներով, այդ թվում՝ ԻՇ, փաստերի ստուգում, մեդիագրագիտություն և ռազմավարական հաղորդակցություն:
