«Ինֆորմացիայի ազատության կենտրոն» հասարակական կազմակերպությունը (ԻԱԿ) «ՀԿ Կենտրոն» քաղաքացիական հասարակության զարգացման հասարակական կազմակերության (ՀԿ Կենտրոն) և «Համայնքը և երիտասարդները» երիտասարդական և խորհրդատվական հասարակական կազմակերպության հետ միասին իրականացնում է «Թափանցիկ, մատչելի և հաշվետու գնումներ» (TAAP) ծրագիրը, որը մեկնարկել է 2021թ․-ի հունիսին՝ մեկ տարի տևողությամբ։ Ծրագիրն իրականացվում է «Տվյալներ հաշվետու և թափանցիկ գործունեության համար» (ԴԱՏԱ) ծրագրի շրջանակում՝ ԱՄՆ Միջազգային զարգացման գործակալության աջակցությամբ՝ Եվրասիա համագործակցություն հիմնադրամի և ԴԱՏԱ ծրագրի գործընկերների կողմից։

Ներկայումս ՀՀ հանրային միջոցների թափանցիկության, հասանելիության և հաշվետվողականության ապահովման գործընթացում հիմնախնդիրների վերհանումն ու դրանց առավել արդյունավետ գործառնումը նոր ուղիներ է հարթում երկրի զարգացման համար: Մասնավորապես, հանրային միջոցների նպատակային և արդյունավետ կառավարման համար հարկավոր է առաջնահերթությունների հստակ սահմանում՝ հիմնված հիմնախնդիրների մասնակցային գնահատման վրա:

TAAP ծրագրի նպատակն է նպաստել պետական գնումների համակարգի կառավարման բարելավմանը և կազմակերպման մատչելիությանը:

TAAP խնդիրներն են՝ աջակցել գնումների գործընթացի կազմակերպման բարելավմանը՝ խոչընդոտների վերհանման և լուծումների առաջարկների միջոցով և նպաստել քաղաքականությունների օրակարգում մշակված բարեփոխումների փաթեթի ներմուծմանը։

TAAP ծրագրի շրջանակում, կոնսորցիումը նախատեսում է իրականացնել․

• Հանրային գնումների օրենսդրության, քաղաքականությունների և իրականացման գործընթացի համապարփակ հետազոտություն/վերլուծություն,
• Վերլուծության տվյալների հիման վրա քաղաքականությունների բարեփոխումների առաջարկների փաթեթների մշակում,
• Շահակիրների ներգրավմամբ այդ առաջարկների ջատագովություն՝ ընդհուպ մինչև օրենսդրական և քաղաքականության փոփոխություններ:

Հետազոտություններ

• «Մեկ անձից իրականացվող գնումների ծավալները և մրցակցային ձևի ընտրության այլընտրանքային հնարավորությունները» հետազոտության զեկույց
  
• Պետգնումների բողոքարկման համակարգի մոնիտորինգի զեկույց

Գնումների թեմայով ինֆոգրաֆիկաներ

• Պետգնումների համակարգի վերաբերյալ ինֆոգրաֆիկաներ՝ հայերեն 
• Պետգնումների համակարգի վերաբերյալ ինֆոգրաֆիկաներ՝  անգլերեն

Գնումների թեմայով դասընթացներ

• Դասընթաց ՏԻՄ գնումների մասնագետների համար
• Դասընթաց գործարար համայնքի ներկայացուցիչների համար
• Դասընթաց ՔՀԿ-ների և լրագրողների համար

Դասընթացի մասնակից լրագրողների առաջարկած նախագծերը

• ՍիվիլՆեթ/CivilNet: Մեկ անձից գնումներ. Հայաստանի ցուցանիշը համադրելի երկրների ցանկում վատագույններից է
• ՍիվիլՆեթ/CivilNet: Գնումների մասին օրենքի փոփոխությունները. վտանգվա՞ծ է արդյոք մեկ անձից գնումների հաշվետվողականությունը
• ՍիվիլՆեթ/CivilNet: Գնումների բողոքարկումը՝ այլևս միայն դատական կարգով. փոփոխության մտահոգությունների շուրջ
• Ֆակտոր/Factor TV։ Ինչպես են «ֆեյքերը» տապալում պետական գնումները
• Էկոնյուզ/Econews.am։ Կոռուպցիոն շղթա՞, թե՞ փրկօղակ․ ի՞նչ է կատարվում Երևանի կենդանաբանական այգում 
• ԱԼՏ հեռուստաընկերություն։ Օրենքը կատարյալ է, բայց ․․․․
• Մեդիա կենտրոն։ «Պետական գնումներ․ նվազագույն գինը ընդդեմ մրցակցությա՞ն․ միֆ և իրականություն» թեմայով քննարկում