Նախարարությունների կողմից տեղեկատվական արշավների կազմակերպման և իրականացման համար պետական բյուջեից հատկացված գումարը 2023 թվականին նախորդ տարվա համեմատ աճել է շուրջ 300 միլիոնով։

Ինֆորմացիայի ազտության կենտրոնը 2023 թվականի հուլիսին ՀՀ նախարարություններ էր ուղարկել տեղեկություն ստանալու հարցումներ՝ պարզելու թե ինչքան գումար են ծախսել գերատեսչությունները 2022-2023 թվականներին տեղեկատվական արշավների՝ իրազեկման, հանրայնացման նպատակով կազմակերպված միջոցառուների, տեղեկատվական պաստառների, նյութերի մշակման, տպագրման, տարածման և նմանօրինակ աշխատանքների համար։

 

Ըստ նախարարությունների տրամադրած պատասխան գրությունների՝ տեղկատվական արշավների կազմակերպման և իրականացման համար 2022 թվականի ընթացքում 12 նախարարությունները պետական բյուջեից ծախսել են ընդհանուր առմամբ 173,311,499 ՀՀ դրամ։

2022-ին տեղեեկատվական արշավների նպատակով իրականացրած ծախսերի մասին պատասխան գրության մեջ նշել են նախարարությունից միայն 5-ը․

• Աշխատանքի և սոցիալական հարցերի նախարարություն,
• Առողջապահության նախարարություն,
• Արտաքին գործերի նախարարություն,
• Էկոնոմիկայի նախարարություն,
• Պաշտպանության նախարարություն։

Հարկ է նշել, որ Արտաքին գործերի նախարարությունը տեղեկատվական արշավների ծախսերի վերաբերյալ պատասխանում որպես հիմք նշել է պետական բյուջեով «Տեղեկատվական ծառայություններ» տողով Նախարարությանը հատկացված գումարի չափը։ Մյուս նախարությունները տրամադրել են առանձնացված տվյալներ։

Նախարարությունների կողմից տրամադրած տվյալների համաձայն՝ տեղեկատվական արշավների նպատակով 2023 թվականի համար 453,260,500 ՀՀ դրամ է նախատեսված՝ 279,949,001 ՀՀ դրամով ավելի շատ քան նախորդ տարի։ Աճի հիմնական «մեղավորը» էկոնոմիկայի նախարարությունն է․գեատեսչությունը տեղեկատվական արշավների համար 2023-ին նախատեսել է 220,000,000 ՀՀ դրամ։

2023-ի ընթացքում նպատակային ծախսերի մասին նշել են 12  նախարարությունից 7-ը. նախորդ ցանկին ավելացել են Ֆինանսների և Կրթության, գիտության, մշակույթի և սպորտի նախարարությունները։

Միջազգային կառույցների ֆինանսական աջակցությամբ 2022 և 2023 թթ․-ի ընթացքում տեղեկատվական արշավների իրականացման մասին նշել են Աշխատանքի և սոցիալական հարցերի և Առողջապահության նախարարությունները, մյուս գերատեսչությունները միջազգային գործընկերների հետ տեղեկատվական միջոցառումներ չեն իրականացրել։

2022 և 2023 թվականների ընթացքում նախարարությունների կողմից տեղեկատվական արշավների համար օգտագործված գումարները բաշխվել են հետևյալ կերպ․

Նախարարություն	2022	2023	Ընդամենը
Աշխատանքի և սոցիալական հարցերի	1,882,594	180,000	2,062,594
Առողջապահության	30,871,200	87,175,000	118,046,200
Արտաքին գործերի	84,435,000	84,435,500	168,870,500
Էկոնոմիկայի	36,142,705	220,000,000	256,142,705
Կրթության, գիտության, մշակույթի և սպորտի		4,000,000	4,000,000
Պաշտպանության	19,980,000	49,470,000	69,450,000
Ֆինանսների	–	8,000,000	8,000,000
Ընդամենը	173,311,499	453,260,500	626,571,999