ՈՒՇԱԴՐՈՒԹՅԱՆ ԿԵՆՏՐՈՆՈՒՄ

61. ԻԱԿ-ն ընդդեմ «Քաղաքացիական պայմանագիր» կուսակցության

Ինֆորմացիայի ազատության կենտրոնը 2023 թ․ դեկտեմբերի 4-ին տեղեկություն տրամադրելու պարտավորեցման պահանջով դիմել է դատարան՝ ընդդեմ «Քաղաքացիական պայմանագիր» կուսակցության։

60. ԻԱԿ-ն ընդդեմ Երևանի քաղաքապետարանի

2023 թվականի նոյեմբերի 1-ին ԻԱԿ-ը դիմել է ՀՀ վարչական դատարան՝ Երևանի քաղաքապետարանից հայցված տեղեկությունը տրամադրելուն պարտավորեցնելու պահանջի մասին հայցով։

59. «Մեդիա դիֆենս»-ն ընդդեմ Ադրբեջանի Հանրապետության

2021 թվականի մարտի 26-ին, Մեծ Բրիտանիայում գտնվող «Մեդիա դիֆենս» իրավապաշտպան կազմակերպությունը Հայաստանի չորս քաղաքացիների անունից հայց է ներկայացրել Ստրասբուրգի դատարան՝ ադրբեջանական ուժերի կողմից Մարտունի քաղաքի մոտ հրետակոծության ժամանակ լրագրողներին դիտավորյալ թիրախավորելու համար։

ԻԱԿ-ը Facebook-ում

ԻԱԿ-ը Youtube-ում

Freedom of Information Center of Armenia FOICA

ԱՎԵԼԻՆ

20. ԻԱԿ-ն ընդդեմ Փարաքարի գյուղապետարանի

Հուլիս 31, 2009

2008 թ.-ի դեկտեմբերին Ինֆորմացիայի ազատության կենտրոնին էին դիմել Փարաքար համայնքի բնակիչներ Սեդա Ղազարյանը եւ Արմեն Ներսիսյանը` բողոքելով, որ Փարաքարի գյուղապետն իրենց տեղեկատվություն չի տրամադրում:

ԻԱԿ-ը դեկտեմբերի 12-ին տեղեկատվություն ստանալու հարցում էր ուղարկել Փարաքարի գյուղապետին, որի մեջ ներառել էր գյուղի բնակիչների պատասխան չստացված հարցերը, որոնք էին.

Փարաքար գյուղի Մեքենագործների փող. 1-ին շենքի մոտով անցնող մայր առվի ձախ ափին, ճանապարհին կից տարածքում գտնվող 250-260 քմ հողամասը ներառվա՞ծ է արդյոք ՀՀ հողային օրենսգրքի 60 հոդվածով նախատեսված սահմանափակումների ցանկում:
Եթե այո, խնդրում ենք հայտնել, թե ինչ հիմքով եւ պատճառով,
Եթե ոչ, խնդրում ենք հայտնել այդ մասին:

2009 թ.-ի հունվարի 10-ին գյուղապետից ստացված պատասխանը թերի էր: Հետեւաբար, ԻԱԿ-ը դիմել էր դատարան, որպեսզի դատական կարգով ամբողջական եւ սպառիչ պատասխան ստանա համայնքապետից: Հուլիսի 30-ին ՀՀ վարչական դատարանում (դատավոր Ա. Ծատուրյան) քննվեց ԻԱԿ-ն ընդդեմ Փարաքարի գյուղապետի եւ գյուղապետարանի գործը:

Գյուղապետը դատարանում պարզաբանեց, որ ԻԱԿ-ի տեղեկատվություն ստանալու հարցմանը սպառիչ չի պատասխանել գործնականում անհնար լինելու պատճառով: Քանի որ հողի սեփականության իրավունքով չփոխանցվող ցանկն իր մեջ ներառում է այն հողային զանգվածները, որի վերաբերյալ կառավարության հատուկ որոշումներ են ընդունված, ուստի Փարաքարի գյուղապետարանը ԻԱԿ-ի պահանջած տեղեկատվությունը տրամադրելու համար պետք է ունենա հիշատակվող հողատարածքի արգելքների վերաբերյալ կառավարության համապատասխան որոշումը:

Օգոստոսի 13-ին ՀՀ վարչական դատարանը վճռեց ԻԱԿ-ի հայցն ընդդեմ Փարաքարի գյուղապետարանի մերժել` հաշվի առնելով այն հանգամանքը, որ ՀՀ կառավարությունը դեռեւս չի հաստատել համապատասխան ծրագիրը, որի մեջ ընդգրկվելու են ԻԱԿ-ին հետաքրքրող հողամասին առնչվող տեղեկությունները:

15.09.2009 թ. ԻԱԿ-ը ՀՀ վարչական դատարանի վճիռը բողոքարկեց վճռաբեկության կարգով` նյութական եւ դատավարական իրավունքի խախտման հիմքով: ՀՀ վճռաբեկ դատարանը 2010 թ.-ի մարտի 12-ին ԻԱԿ-ի բողոքն ամբողջությամբ բավարարեց եւ գործն ուղարկեց նոր քննության: 2010 թ. մայիսի 31-ին ՀՀ վարչական դատարանը, նույն գործը երկրորդ անգամ քննելով, ի վերջո բավարարեց ընդդեմ Փարաքարի գյուղապետարանի ԻԱԿ-ի հայցը:

Դատարանը վճռեց ոչ իրավաչափ ճանաչել ԻԱԿ-ի հարցմանը ոչ պատշաճ պատասխանելուն ուղղված ՀՀ Արմավիրի մարզի Փարաքարի գյուղապետարանի գործողությունները, ինչպես նաեւ պարտավորեցնել Փարաքարի գյուղապետարանին տրամադրել ԻԱԿ-ի հարցման պատասխանը: Փարաքարի գյուղապետարանը բողոքարկել է ՀՀ վարչական դատարանի վճիռը ՀՀ վճռաբեկ դատարան: 2010 թ.-ի օգոստոսի 18-ին ՀՀ Վճռաբեկ դատարանը որոշեց վերադարձնել Փարաքարի գյուղապետարանի բողոքը եւ ուժի մեջ թողնել ԻԱԿ-ի օգտին ՀՀ Վարչական դատարանի կայացրած վճիռը: