Հոկտեմբերի 19-ին Ինֆորմացիայի ազատության կենտրոնն անցկացնում է Տեղեկատվության ազատության միջազգային օրվան նվիրված «Ոսկե բանալի, ժանգոտ կողպեք» ամենամյա մրցանակաբաշխությունը: Միջոցառման շրջանակում տեղեկատվության ազատության լավագույն փորձ դրսևորած պետական և հասարակական կառույցներին կշնորհվի խորհրդանշական «Ոսկե բանալի» մրցանակը, իսկ տեղեկություն ստանալու իրավունքը խախտած պետական կառույցները կարժանանան «Ժանգոտ կողպեք» մրցանակի։
Միջոցառումն անցկացվելու է առցանց հոկտեմբերի 19-ին` ժամը 12:00-ից-13:00-ը:
Միջոցառմանը կարելի է միանալ այս հղումով՝
Zoom Meeting: https://us02web.zoom.us/j/86702456433, ID: 867 0245 6433
Արդեն 19-րդ անգամ անցկացվող ավանդական միջոցառումն այս անգամ հոբելյանական է․ Ինֆորմացիայի ազատության կենտրոնը նշում է հիմնադրման 20-ամյակը։ Տարին հոբելյանական է նաև Բաց կառավարման գործընկերության համար․ միջազգային այս նախաձեռնությունը հիմնադրվել է տասը տարի առաջ։
Այս տարի Ոսկե բանալի մրցանակ կշնորհվի հետևյալ անվանակարգերում.
- Տեղեկատվության տրամադրման լավագույն պաշտոնական կայք,
- ԲԿԳ «Հատուկ մրցանակ»,
- Տեղեկատվություն ստանալու իրավունքն ամենաարդյունավետ կիրառած հասարակական կազմակերպություն,
- «Տեղեկատվության ազատության մասին» օրենքն ամենաակտիվ օգտագործած լրագրող,
- Տեղեկատվության ազատության խախտված իրավունքի համար հետևողականորեն պայքարող, տեղեկություն ստանալու խմբային պահանջ ներկայացրած քաղաքացիական նախաձեռնություն։
«Ժանգոտ կողպեք»-ի համար նախատեսված է երկու անվանակարգ․
- Տեղեկատվության ազատությանը սպառնացող նախաձեռնության հեղինակ պետական կառույց,
- Տեղեկություն ստանալու իրավունքը հետևողականորեն խախտած պետական կառույց։
Մանրամասների և կամ տեխնիկական հարցերի դեպքում զանգահարեք՝ 091700974:
Միջոցառումն իրականացվում է «Ինֆորմացիայի ազատության կենտրոն» ՀԿ-ի կողմից Եվրոպական միության ֆինանսական աջակցությամբ ՄԱԶԾ Կոլբա լաբի «Ապագան այսօր. Կանանց, երիտասարդների և երեխաների հզորացում հանուն Հայաստանում ժողովրդավարության ամրապնդման» ծրագրի շրջանակում: Այս հայտարարությունը ստեղծվել է Եվրոպական միության ֆինանսական աջակցությամբ։ Բովանդակության համար պատասխանատու է «Ինֆորմացիայի ազատության կենտրոն» ՀԿ-ն, և պարտադիր չէ, որ այն արտահայտի Եվրոպական միության տեսակետները:
