Ինֆորմացիայի ազատության կենտրոնը 2005 թ. սեպտեմբերի 14-ին դիմել է Աբովյանի քաղաքապետ Կ. Իսրայելյանին` խնդրելով տրամադրել հետեւյալ տեղեկատվությունը.
- 2005 թ. 2-րդ եռամսյակի ընթացքում Աբովյան քաղաքի ավագանու կողմից կայացրած բոլոր որոշումների պատճենները,
- 2005 թ. բյուջեի պատճենը, ինչպես նաեւ դրա կատարման հաշվետվությունը 2-րդ եռամսյակի համար:
Աբովյանի քաղաքապետ Կ. Իսրայելյանը անպատասխան է թողել հարցումը, եւ Ինֆորմացիայի ազատության կենտրոնի իրավաբան Ռոբերտ Ղազարյանը 11.11.2005 թվականին հայցադիմում է ներկայացրել դատարան` վիճարկելու քաղաքապետի անգործությունը: Առաջին նիստը նշանակվել էր 12.12.2005 թ.: Քաղաքապետարանի ներկայցուցիչը չներկայացավ, ինչի պատճառով էլ նիստը հատաձգվեց: Երկրորդ նիստը նշանակվեց 19.12.2005 թ.: Այս անգամ էլ գործը թողնվեց առանց քննության, քանի որ դատավորը գտնվում էր արձակուրդի մեջ:
ԻԱԿ-ի իրավաբանը հայցը հետ վերցրեց, քանի որ քաղաքապետը խոստացել էր տրամադրել տեղեկությունները։ Դրանց ամբողջական փաթեթը տրամադրվեց ԻԱԿ-ին 58 էջ ծավալով 2006 թ. օգոստոսի 12-ին։ Այսպիսով, տասնմեկ ամիս պահանջվեց ցանկալի արդյունքի հասնելու համար։
