Ծրագրն իրականացվել է Հանրային լրագրության ակումբի հետ համատեղ Հայաստանում ԱՄՆ դեսպանության աջակցությամբ։ Ծրագիրը մեկնարկել է 2021 թ. դեկտեմբերի 1-ին և ավարտվել 2022 թ. սեպտեմբերի 30-ին:

Ծրագրի նպատակը՝ ՔՀԿ-ների ներկայացուցիչներին և տեղական ինքնակառավարման մարմինների պաշտոնյաներին զինել անհրաժեշտ գիտելիքներով և հմտություններով կեղծ լուրերը, ապատեղեկատվությունը, մանիպուլյացիաները հայտնաբերելու և բացահայտելու համար. աջակցել նրանց ճշգրիտ և հավաստի տեղեկատվություն փնտրելու, ստանալու և տարածելու հարցում, ստեղծել ցանցայնության և համագործակցության հնարավորություն, որպեսզի նրանք միմյանց աջակցեն ապատեղեկատվական հոսքերը կոտրելու ընդհանուր առաքելության հարցում։

Ծրագրի խնդիրները՝

• Հզորացնել ՔՀԿ-ների ներկայացուցիչների մեդիագրագիտության և փաստերի ստուգման գիտելիքներով, աջակցել նրանց ապատեղեկատվությանը դիմակայելու կարողություններ զարգացնելու գործում:
• Հզորացնել Տեղական ինքնակառավարման մարմինների պաշտոնյաներին մեդիագրագիտության և փաստերի ստուգման գիտելիքներով, աջակցել նրանց ճշգրիտ և հավաստի տեղեկատվություն փնտրելու, ստանալու և տարածելու հարցում։
• Բարձրացնել ՔՀԿ-ների ներկայացուցիչների և տեղական ինքնակառավարման մարմինների պաշտոնյաների միջև համագործակցության մակարդակը ապատեղեկատվության դեմ համատեղ պայքարում:

Ծրագրի շրջանակում ԻԱԿ-ը իրականացրել է փաստերի ստուգման ուսուցումներ ՏԻՄ ներկայացուցիչների համար։

• Ապատեղեկատվության դեմ պայքարի կարողությունների զարգացման դասընթաց ՏԻՄ ներկայացուցիչների համար
• ՏԻՄ-երի համար նախատեսված դասընթացի տեսագրություն․ օր 1-ին (19.04.2022)
• ՏԻՄ-երի համար նախատեսված դասընթացի տեսագրություն․ օր 2-րդ (20 .04.2022)