Ծրագիրը նպատակ ունի ուժեղացնել Հայաստանում մեդիա մասնագետների կարողությունները և հմտությունները տեղեկատվության ազատության, անձնական տվյալների պաշտպանության և իրական շահառուների թափանցիկության վերաբերյալ, որը հնարավորություն կտա լրագրողներին առավել արդյունավետ ուսումնասիրել և լուսաբանել հանրային նշանակության հարցերը:
Ծրագրի գործողություններն են.
- Կազմակերպել կարողությունների զարգացման դասընթացներ և մենթորություն հայաստանյան լրատվամիջոցների համար.
- Իրականացնել «Լրագրողների տեղեկություն ստանալու իրավունքը Հայաստանում» համապարփակ հետազոտություն, որի հիմնական նպատակն է ուսումնասիրել և ներկայացնել Հայաստանում լրագրողների տեղեկություն ստանալու իրավունքի իրացման պրակտիկան՝ բացահայտելով առկա հիմնախնդիրները, խոչընդոտները և առաջարկելով գործնական լուծումներ՝ ուղղված դրանց հաղթահարմանը։ :
Ծրագիրը մեկնարկել է 2024 թվականի հունվարի 19-ին և ավարտվել է 2024 թվականի հուլիսի 19-ին: Այն իրականացվել է ԻԱԿ-ի կողմից՝ որպես Ինտերնյուս Նեթվորքի ենթադրամաշնորհառու Հայաստանի մեդիայի զարգացման ծրագրի շրջանակներում:
ԱՄՆ ՄԶԳ-ի ֆինանսավորմամբ գործող՝ Հայաստանի մեդիայի զարգացման ծրագիրը նպատակ ունի բարելավելու լրագրողական սկզբունքները, խթանելու հանրային նշանակություն ունեցող լրատվամիջոցների մրցունակությունն ու ֆինանսական կենսունակությունը և ձևավորելու նպաստավոր միջավայր՝ հասարակությանը ապատեղեկատվությունից պաշտպանելու համար: Ծրագիրն իրականացնում են Ինտերնյուս Նեթվորքը՝ Մեդիա նախաձեռնությունների կենտրոնի, Երևանի մամուլի ակումբի և «Զինք նեթվորք»-ի հետ համատեղ։
