Ծրագիրն իրականացվում է Հայաստանում ՄԱԿ-ի Զարգացման ծրագրի ֆինանսական աջակցությամբ: Ծրագրի տևողությունը 3 ամիս է (2014թ.-ի դեկտեմբեր- 2015 մարտ):
Ծրագրով նախատեսված է ստեղծել պաշտոնական ծառայողական մեքենաների հանրային մոնիտորինգի հարթակ, որը թույլ կտա հայտնաբերել և հանրայնացնել պաշտոնական դիրքի չարաշահման դեպքերը՝ մասնավորապես ծառայողական մեքենաների օգտագործման մասով: Որքանով են հարկատուի միջոցներով պահվող բազմաթիվ ծառայողական մեքենաները ծառայում իրենց անմիջական նպատակին: Արդյոք պաշտոնական դիրքի չարաշահում է, երբ ծառայողական համարներով մեքենաները սպասարկում են դպրոցահասակ երեխաների կամ վարսավիրանոց այցելող կանանց:
Պետհամարանիշներով կարելի է իդենտիֆիկացնել, թե որ գերատեսչությանն է պատկանում էթիկայի նորմերը խախտած պաշտոնյան: Տվյալները կհավաքագրվեն քաղաքացիների կողմից՝բջջային և առցանց հավելվածների միջոցով: Հավաքագրված ինֆորմացիան կհանրայնացվի մամուլի և սոցիալական ցանցերի միջոցով և պարբերաբար կփոխանցվի էթիկայի հանձնաժողով՝ ուսումնասիրելու:
Ծրագրով նախատեսված գործողություններն են.
- Ծառայողական մեքենաների մասին տեղեկատվական բազայի մշակում
- Մոբայլ հավելվածի և վեբ ինտերֆեյսի մշակում
- Մշակված համակարգերի շահագործում
- Քաղաքացիների ներգրավում
- Գրանցված խախտումների խմբավորում, համակարգում և դրանց փոխանցում էթիկայի հանձնաժողով
- Խախտումների վերաբերյալ կայացված որոշումների հրապարակում և հանրային քննարկման մոդերացիա:
