Մրցանակաբաշխության նպատակն էր խրախուսել ՀՀ-ից սկիզբ առնող անկանոն միգրացիայի կանխարգելմանն ու պոտենցիալ միգրանտների շրջանում իրազեկվածության բարձրացմանն ուղղված թեմաների լուսաբանումը զանգվածային լրատվամիջոցներով:
Ինֆորմացիայի ազատության կենտրոնն իրականացրել է հետևյալ գործողությունները.
- մրցույթի մասին հանրային իրազեկում,
- մրցույթին ներկայացված աշխատանքների ընդունում և գրանցում,
- մրցույթի ժյուրիի ձևավորում,
- ժյուրիի աշխատանքների կազմակերպում,
- մրցանակաբաշխության անցկացում և դրա մասին հանրային իրազեկում:
Նախապես հայտարարված մրցույթին ներկայացվել էր 2012 թվականի հունվարի 1-ից մինչև 2013 թվականի հունվարի 31-ն ընկած ժամանակահատվածում հրապարակված շուրջ 50 լրագրողական նյութ: Աշխատանքները գնահատել է մասնագիտական ժյուրին, որը կազմված է լրագրողական կազմակերպությունների ներկայացուցիչներից և միգրացիոն հարցերով զբաղվող փորձագետներից:
Հաղթողներին տրվեցին դրամական պարգևներ.
- առաջին տեղի համար 1000,
- երկրորդ տեղի համար` 500
- երրորդ տեղի համար` 300 եվրոյին համարժեք ՀՀ դրամ:
Մրցանակաբաշխությունն իրականացվել է ՀՀ Տարածքային կառավարման նախարարության միգրացիոն պետական ծառայությունը` Մարդկային զարգացման միջազգային կենտրոնի և Ինֆորմացիայի ազատության կենտրոնի հետ համատեղ, Բելգիայի Թագավորության ներքին գործերի նախարարության ֆինանսական աջակցությամբ:
Մրցանակաբաշխության արդյունքների մասին կարող եք կարդալ այստեղ:
