Ծրագրի հիմնական խնդիրներն են նպաստել մարդկանց մասնակցությանը համայնքային կառավարման և հանրային խնդիրների լուծման գործընթացներին, ինչպես նաև տեղեկատվության մատչելիության արդյունավետությանը նպաստելու միջոցով խթանել բաց և թափանցիկ կառավարման համակարգի ստեղծմանը:
Ծրագրի նպատակներն են.
ՀՀ բոլոր մարզերում 24 ուսուցումների կազմակերպում` քաղաքացիներին, ՀԿ-ներին, լրագրողներին, իրավաբանական անձանց և պաշտոնյաներին ՀՀ ՏԱ օրենքի դրույթներին ծանոթացնելու և տեղական ինքնակառավարման մարմինների թափանցիկությանն ու հաշվետու լինելուն նպաստելու նպատակով:
22 հեռուստատեսային թոք-շոուների կազմակերպում բոլոր մարզային հեռուստաընկերություններով տեղեկություն ստանալու իրավունքի իրացման մեխանիզմներին ծանոթացնելու և համայնքային խնդիրների լուծմանը մարդկանց մասնակցությունը բարձրացնելու նպատակով:
«Դու տեղյակ լինելու իրավունք ունես» տեղեկագրի եւ դատական նախադեպերի ժողովածուի հրատարակում:
Կենտրոնի 11 մարզային իրավաբանների միջոցով համայնքների բնակիչներին անվճար իրավաբանական խորհրդատվության տրամադրում, դատարաններում նրանց շահերի պաշտպանություն:
Դատական նախադեպերի ստեղծում` ՏԱ օրենքի արդյունավետ կիրառումն ապահովելու նպատակով:
ՏԱ ենթաօրենսդրական ակտերի եւ ՏԱ օրենսդրության բարեփոխմանն ուղղված փաթեթի մշակում եւ ընդունմանն ուղղված լոբբինգ:
