Ծրագիրն իրականացվել է Իրավական Նախաձեռնության (Բաց հասարակության ինստիտուտ) աջակցությամբ (Հունգարիա)
2002թ. նոյեմբեր – 2003թ. փետրվար
Այս ծրագրի նպատակն էր Հայաստանի Հանրապետությունում Տեղեկատվության ազատության վերաբերյալ օրենքի ընդունմանը նպաստելը: Ծրագիրը բաղկացած էր երկու փուլից`
ա) ստեղծել “Տեղեկատվության ազատության մասին” ՀՀ օրենքի նախագիծը մշակող աշխատանքային խումբ: Աշխատանքային խումբը մշակեց “Տեղեկատվության ազատության մասին” ՀՀ օրենքի նախագիծը` հետագայում ՀՀ Ազգային Ժողովի կողմից այն ընդունելու նպատակով:
բ) ՏԱ ոլորտի փորձագետների մի խումբ (7 հոգի), կազմված խորհրդարանական հանձնաժողովների երկու նախագահներից, մեկ պատգամավորից, ՀՀ ԱԺ երկու փորձագետներից և ՀԿ-ների երկու ներկայացուցիչներից, այցելեց Հարավային Աֆրիկայի Հանրապետությունում գտնվող Բաց Ժողովրդավարության Խորհրդատվական Կենտրոն: 10-օրյա ուսումնական այցելության ընթացքում ՏԱ օրենսդրության քննարկման վերաբերյալ հանդիպումներ են կայացել Հարավային Աֆրիկայի Հանրապետության կառավարության, խորհրդարանի և ՀԿ-ների ներկայացուցիչների հետ:
