Ծրագիրն իրականացվում է ԻԱԿ-ի կողմից՝ Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (USAID) միջոցով: Լինելով Ինտերնյուս Նեթվորքի ենթադրամաշնորհառու Հայաստանի մեդիայի զարգացման ծրագրի շրջանակներում՝ ԻԱԿ-ի նախագիծը նպատակ ունի ուժեղացնել Հայաստանում մեդիա մասնագետների կարողությունները և հմտությունները առանցքային հարցերի վերաբերյալ, ներառյալ տեղեկատվության ազատությունը, անձնական տվյալների պաշտպանությունը և իրական շահառուների թափանցիկության բարեփոխումները:
Ծրագիրը նախատեսում է իրականացնել հետևյալ գործողությունները.
- Կազմակերպել կարողությունների զարգացման դասընթացներ և մենթորություն հայաստանյան լրատվամիջոցների համար.
- Իրականացնել «Լրագրողների տեղեկություն ստանալու իրավունքը Հայաստանում» համապարփակ հետազոտություն, որը կգնահատի Հայաստանում լրագրողների տեղեկատություն ստանալու իրավունքի պատշաճ ապահովումը, պաշտոնական տեղեկությունների հասանելիության կարգավիճակը, կբացահայտի նրանց առջև ծառացած մարտահրավերները և կուրվագծի ՏԱ մասին օրենքներն օգտագործելու լավագույն փորձը:
Ծրագիրը մեկնարկել է 2024 թվականի հունվարի 19-ին և կավարտվի 2024 թվականի հուլիսի 19-ին:
ԱՄՆ ՄԶԳ-ի ֆինանսավորմամբ գործող՝ Հայաստանի մեդիայի զարգացման ծրագիրը նպատակ ունի բարելավելու լրագրողական սկզբունքները, խթանելու հանրային նշանակություն ունեցող լրատվամիջոցների մրցունակությունն ու ֆինանսական կենսունակությունը և ձևավորելու նպաստավոր միջավայր՝ հասարակությանը ապատեղեկատվությունից պաշտպանելու համար:
Ծրագիրն իրականացնում են Ինտերնյուս Նեթվորքը՝ Մեդիա նախաձեռնությունների կենտրոնի, Երևանի մամուլի ակումբի և «Զինք նեթվորք»-ի հետ համատեղ։
