Ինֆորմացիայի ազատության կենտրոնը յուրաքանչյուր տարվա սկզբին հրապարակում է նախորդ տարվա ընթացքում տեղեկատվություն ստանալու իրավունքը խախտած գերատեսչությունների ղեկավար պաշտոնատար անձանց Սև ցուցակ։
ԻԱԿ-ի տարեկան ցուցակն ավելի ամբողջական դարձնելու համար խնդրում ենք
մեզ տեղեկացնել, եթե 2020 թվականի ընթացքում եղել են գերատեսչություններ, որոնք.
- չեն պատասխանել տեղեկատվություն ստանալու՝ ձեր լրատվամիջոցի հարցումներին,
- տեղեկատվություն ստանալու հարցումներին պատասխանել են «Տեղեկատվության ազատության մասին» ՀՀ օրենքով նախատեսված ժամկետների խախտմամբ,
- անհիմն մերժել են տեղեկատվություն ստանալու հարցումները,
- թերի, ոչ լիարժեք կամ կեղծ տեղեկատվություն են տրամադրել,
- տեղեկատվության տրամադրման համար անօրինական վճարներ են սահմանել և/կամ գանձել,
- տեղեկատվության տրամադրման ոչ պատշաճ աղբյուրների են հղում կատարել։
Նման դեպքերի առկայության դեպքում խնդրում ենք տրամադրել գերատեսչությանն ուղարկված հարցման և ստացված պատասխանի (առկայության դեպքում) սքանը/լուսանկարը։
Միաժամանակ, պատասխան նամակում խնդրում ենք նշել նաև այն գերատեսչությունների անվանումները, որոնց հետ համագործակցությունը դրական եք գնահատում։
Խնդրում ենք տեղեկությունները մեզ փոխանցել մինչև սույն թվականի հունվարի 18-ը ներառյալ։ Հարցերի դեպքում կարող եք զանգահարել Մանե Մադոյանին 094700974 հեռախոսահամարով կամ գրել foi@foi.am էլեկտրոնային հասցեին։
