Ինֆորմացիայի ազատության կենտրոնը մեկնարկում է արցախցի մեր գործընկերների՝ լրատվամիջոցների ներկայացուցիչների մասնագիտական կարողությունների հզորացման և աջակցության ծրագիր:
Ծրագիրն ուղղված է Արցախից բռնի տեղահանված լրատվամիջոցների մասնագետների և լրագրողների մասնագիտական կարողությունների զարգացմանը: Ծրագիրը բաղկացած է 2 փուլից.
1. Մասնագիտական հմտությունների զարգացման դասըթնացներ հետևյալ ուղղություններով.
- Տեղեկատվության ազատություն և անձնական տվյալների պաշտպանություն.
- Փաստերի ստուգում. տեղեկատվության ճշգրտությունը ստուգելու, կեղծ լուրերը բացահայտելու հմտությունների զարգացում,
- Բաց տվյալների վերլուծություն և բաց աղբյուրների օգտագործում:
2. Մենթորություն. Ծրագրի երկրորդ փուլում դասընթացավար/մենթորների հետ մասնակիցները կպատրաստեն լրագրողական նյութեր, որոնց համար կտրվի յուրաքանչյուր նյութի դիմաց մինչև 200 եվրոյին համարժեք ՀՀ դրամ դրամական փոխհատուցում (ներառյալ ՀՀ օրենսդրությամբ սահմանված հարկերը):
Ուշադրություն. Ծրագրին կարող են դիմել Արցախում բնակված և մասնագիտական գործունեություն իրականացրած լրագրողները: Ծրագրի երկու փուլին ամբողջական մասնակցությունը պարտադիր է:
Ծրագիրն իրականացվում է Լրագրողներ առանց սահմանի (RSF) աջակցությամբ: Այն մեկնարկել է 2023 թվականի նոյեմբերի 15-ին և կավարտվի 2024 թվականի փետրվարի 29-ին։
