Նորություններ եվ իրադարձություններ

Նորություններ եվ իրադարձություններ

Գլխավոր / Նորություններ և իրադարձություններ

ՈՒՇԱԴՐՈՒԹՅԱՆ ԿԵՆՏՐՈՆՈՒՄ

ԻԱԿ-ը Facebook-ում

ԻԱԿ-ը Youtube-ում

Ամանորյա նվեր Արմավիրի քաղաքապետից

 

Մի ամբողջ տարի Ինֆորմացիայի ազատության կենտրոնի Սեւ ցուցակը գլխավորելուց հետո վերջապես Ամանորից երկու օր առաջ Արմավիրի քաղաքապետ Ռ. Խլղաթյանը տրամադրեց իր որոշումների պատճենները:

 

Ինֆորմացիայի ազատության կենտրոնը մի քանի անգամ Արմավիրի քաղաքապետ Ռուբեն Խլղաթյանից տեղեկատվություն ստանալու գրավոր հարցումներով խնդրել էր տրամադրել Արմավիր քաղաքի ավագանու` 2005թ. 2-րդ եռամսյակի որոշումների պատճենները եւ 2005թ. 2-րդ եռամսյակի բյուջեի կատարման հաշվետվության պատճենը: Արմավիրի քաղաքապետարանից տեղեկությունները չստանալով` ԻԱԿը ստիպված եղավ դիմել դատարան: Արմավիրի մարզի առաջին ատյանի դատարանը վճռեց հօգուտ ԻԱԿի՝ Արմավիրի քաղաքապետին պարտավորեցնելով տրամադրել վերոնշյալ տեղեկությունները եւ փոխհատուցել կազմակերպության դատական ծախսերը:

 

Քաղաքապետարանը ԻԱԿի դատական ծախսերը փոխհատուցեց, սակայն տեղեկությունները տրամադրել չէր շտապում: Ուստի, ԻԱԿը ստիպված եղավ 2006թ. հոկտեմբերի 16-ին դիմել Արմավիրի մարզի Դատական ակտերի հարկադիր կատարման ծառայությանը, որի միջամտությունից հետո միայն Ամանորի նախօրեին Արմավիրի քաղաքապետը կատարեց դատարանի կողմից 2006թ. մարտին` 9 ամիս առաջ, կայացրած վճիռը:

 

0 Comments
Inline Feedbacks
View all comments
Skip to content