Ինֆորմացիայի ազատության կենտրոնը հունիսի 30-ին դիմել է ՀՀ վարչական դատարան` Հայ ազգային կոնգրես դաշինքի, Օրինաց երկիր եւ Հայաստանի աշխատավորական սոցիալիստական կուսակցությունների ղեկավարներին տեղեկատվություն տրամադրելուն պարտադրելու հայցով :
ԻԱԿ-ը դեռ ապրիլ ամսին դիմել էր վերոնշյալ քաղաքական ուժերին` խնդրելով տրամադրել.
1. տվյալ կուսակցության 2008թ. ֆինանսական հաշվետվության պատճեն
2. տվյալ կուսակցության ստացած` օրենքով սահմանված նվազագույն աշխատավարձի հարյուրապատիկից ավելի արժողությամբ նվիրատվության աղբյուրների մասին տեղեկատվություն:
Օրինաց երկիր կուսակցությունը պատասխանել էր ժամկետների խախտմամբ եւ թերի, իսկ ՀԱԿ-ն ու ՀԱՍԿ-ն ընդհանրապես չէին պատասխանել:
Նշենք, որ նույն հարցմամբ ԻԱԿ-ը դիմել էր ՀՀԿ-ին, ՀՅԴ-ին եւ ԺԿ-ին եւ ստացել սպառիչ պատասխան:
