Նորություններ եվ իրադարձություններ

Նորություններ եվ իրադարձություններ

Գլխավոր / Նորություններ և իրադարձություններ

ՈՒՇԱԴՐՈՒԹՅԱՆ ԿԵՆՏՐՈՆՈՒՄ

ԻԱԿ-ը Facebook-ում

ԻԱԿ-ը Youtube-ում

Ի՞նչ հարցում կարող է ուղարկել ճամբարակցին

“Փաստորեն մենք էլ տեղեկատվություն ստանալու հարցումներ ուղարկելու իրավունք ունենք”,- այս մասին ճամբարակցիների մի մասն իմացավ ապրիլի 7-ին Ինֆորմացիայի ազատության կենտրոնի փորձագետների հետ հանդիպման ժամանակ։

ԻԱԿ-ի փորձագետ Պապին Մուրադյանը և Կրթության զարգացման ակադեմիայի Գեղարքունիքի մարզային ներկայացուցիչ Վահագն Դաբաղյանը Ճամբարակ քաղաքի բնակիչներին և ուսուցիչներին ներկայացրին “Տեղեկատվության ազատության մասին”  ՀՀ  օրենքի հիմնական դրույթները: Մասնավորապես, թե ինչպես նրանք կարող են դիմել պետական և տեղական ինքնակառավարման մարմիններին ստանալու իրենց հետաքրքրող տեղեկությունները, ի՞նչ կարգով և ժամկետներում պետք է նրանց հարցումներին պատասխան տրվի, ինչպե՞ս նրանք կարող են  բողոքարկել ապօրինի մերժումները:

Պարզվեց` Ճամբարակի բնակիչների մեծ մասը “ՏԱ մասին” օրենքի մասին նույնիսկ չէին լսել. իշխանություններին դիմում են բանավոր` առանց օրենքին հղում անելու: Ներկաներից միակ բացառությունը Ճամբարակի թիվ 1 միջնակարգ դպրոցի ուսուցչուհի Կամելա Եգանյանն էր, որ  “ՏԱ մասին” օրենքով ամիսներ առաջ հարցում է ուղարկել Ճամբարակի քաղաքապետին և 5- օրյա ժամկետում ստացել լիարժեք պատասխան: Մինչդեռ մեզ հետ ունեցած զրույցի ժամանակ քաղաքապետ Ավալյանը տեղեկատվություն տրամադրելը օրենքով սահմանված իր պարտականությունը չէր համարում. ”Ի՞նչ գրավոր հարցում, ի՞նչ նամակ ուղարկել, ում ինչ հարց հետաքրքրում է, թող գա անձամբ վերցնի”,-ասում է քաղաքապետը:

ԻԱԿ- ի փորձագետի հետ հանդիպումից հետո, տեղեկատվության պակասը լրացնելու համար ճամբարակցիներից շատերը որոշեցին գրավոր հարցումներ ուղարկել, իսկ ԻԱԿ-ի փորձագետը խորհուրդ տվեց հարցումներն ուղարկել փոստով, որպեսզի հետագա բարդությունների դեպքում փոստի կտրոնը փաստացի ապացույց լինի: Ներկաներին առավել հետաքրքրեց ԻԱԿ-ի պատրաստած “12 հարց ու պատասխան տեղեկություն ստանալու մասին” գրքույկը, ինչը կարծում ենք, Ճամբարակի քաղաքապետին ևս կօգնի մարդկանց հարցումներին պատասխանել օրենքով սահմանված կարգով և ժամկետներում:
Skip to content