ՀՀ Արդարադատության նախարարության Անձնական տվյալների պաշտպանության գործակալությունը մշակել է “Տեսահսկման ուղեցույց”, որի նպատակն է ներկայացնել տեսահսկման հիմնական կանոններն ու սկզբունքները՝ ապահովելով մարդկանց անձնական տվյալների պաշտպանությունը:
Ուղեցույցը մշակվել է՝ առաջնորդվելով “Անձնական տվյալների պաշտպանության մասին” ՀՀ օրենքի պահանջներով և տեսահսկման կարգավորման միջազգային չափանիշներով:
Տեսահսկում իրականացնող յուրաքանչյուր անձ կամ կազմակերպություն պետք է առաջնորդվի “Անձնական տվյալների պաշտպանության մասին” ՀՀ օրենքով և այս ուղեցույցով:
“Տեսահսկման ուղեցույցի” նախագիծը ներկայացվել է հանրությանը: 10-օրյա ժամկետում Գործակալությանը կարող եք ներկայացնել նախագծի վերաբերյալ Ձեր առաջարկությունները և դիտողությունները։
