Տեղեկատվության ազատության միջազգային օրվա կապակցությամբ՝ 28-ը սեպտեմբերի, ՏԱ Պաշտպանների միջազգային ցանցը հրավիրում է բոլորին մասնակցելու “Ես տեղյակ լինելու իրավունք ունեմ” միջազգային ֆոտոմրցույթին:

Մրցույթին կարող են մասնակցել բոլորը՝ անկախ մասնագիտությունից, սեռից և քաղաքացիությունից:

Ինչպես եք պատկերացնում տեղեկություն ստանալու ձեր իրավունքի իրականացումը, ինչպես են պետական մարմինները լրագրողներին, հանրությանը տրամադրում տեղեկությունը, որքանով են մարդիկ իրազեկված տեղեկություն ստանալու իրենց իրավունքի մասին. այս խնդիրները պետք է արտահայտեն ձեր լուսանկարները:

Անհրաժեշտ պայմանները.

• Յուրաքանչյուրը կարող է ներկայացնել առավելագույնը 2 լուսանկար՝ էլեկտրոնային, jpg ֆորմատով:
• Լուսանկարները պետք է լինեն բարձր որակի (նվազագույնը 2300×3500 պիկսել յուրաքանչյուր լուսանկարը):
• ֆայլը չպետք է գերազանցի 5մբ:
• Յուրաքանչյուր լուսանկար պետք է ունենա նկարագրություն, որը չգերազանցի 140 նիշը:
• Կարող եք նաև առավելագույնը 50 բառ նկարագրություն ավելացնել՝ որտեղ, երբ, ինչ իրավիճակում է ստացվել լուսանկարը: Այս տեղեկությունը լուսանկարի հետ կտեղադրվի առցանց պատկերասրահում:
• Բոլոր լուսանկարները պետք է ներկայացվեն էլեկտրոնային նամակով, որտեղ պետք է նշված լինի հեղինակի անունը, ազգանունը, հասցեն, էլեկտրոնային հասցեն և հեռախոսահամարը: Այս տեղեկությունները չեն հրապարկվելու, ինչպես նաև դրանք չեն տրամադրվի ժյուրիի անդամներին:
• Լուսանկարները պետք է ուղարկեք լրացված դիմումի հետ միասին (անգլերեն, իսպաներեն, ֆրանսերեն) միևնույն էլեկտրոնային նամակով:
• Բոլոր հեղինակների հեղինակային իրավունքները կպահպանվեն: Միևնույն ժամանակ, ուղարկելով լուսանկարները, հեղինակներն իրենց համաձայնությունն են հայտնում, որ լուսանկարները կարող են օգտագործվել ՏԱ պաշտպանների ցանցի քարոզարշավի ընթացքում:
• Չեն ընդունվելու այն լուսանկարները, որտեղ ներկայացված են ռասիզմի, բռնության, խտրականության կամ պոռնոգրաֆիայի պատկերներ:
• Ժյուրին կազմված է լինելու ՏԱ պաշտպանների ցանցի վերստուգիչ հանձնաժողովի, գործընկեր կազմակերպությունների անդամներից և լուսանկարիչներից:
• Հաղթողի անունը կհայտարարվի մինչև ՏԱ միջազգային օրը՝ սեպտեմբերի 28-ը:
• Մասնակցության համար վճար նախատեսված չէ: Դիմումը և լուսանկարները ուղարկեք photo@foiadvocates.net էլեկտրոնային հասցեով:

Հաղթող լուսանկարը տեղադրվելու է ՏԱ պաշտպանների միջազգային ցանցի կողմից հրապարակվող Right to Information World Advocacy Update միջազգային գրքի շապիկին: Լուսանկարները հնարավոր է ներկայացվեն նաև թափանցիկության և հակակոռուպցիոն միջազգային ֆորումներում:

Ժյուրին սահմանելու է 3 մրցանակ՝ 1000 Եվրո ընդհանուր արժողությամբ: Մրցանակը գերազանցապես ապահովվել է Բաց հասարակության ինստիտուտի կողմից: Մրցանակները բաշխվելու են հետևյալ կերպ.
1-ին տեղ – 500 Եվրո,
2-րդ տեղ – 300 Եվրո,
3-րդ տեղ – 200 Եվրո:

Այլ տեղեկություններ հասանելի են www.foiadvocates.net կայքում:

Լուսանկարների ներկայացման վերժնաժամկետը 2012թ.-ի սեպտեմբերի 12- է:

Դիմումի ձևը անգլերեն:
Դիմումի ձևը իսպաներեն:
Դիմումի ձևը ֆրանսերեն:

Նյութեր այս թեմայով՝

Ֆոտոցուցահանդես` Մամուլի ազատության օրվան նվիրված,

Բացվեց “Մամուլի ազատություն, տեղեկատվություն ստանալու իրավունք” ֆոտոցուցահանդեսը:

10th Right to Know Day Photo Contest Launch

PHOTO CONTEST: HOW DO YOU SEE YOUR RIGHT TO KNOW?